Network
GALURA.CO.ID -Pondok Pesantren Al-Quraniyah di Kelurahan Majalengka Wetan, Kecamatan Majalengka, Kabupaten Majalengka, jadi saksi tarekah Kapolres Majalengka Polda Jabar, AKBP Indra Novianto, S.I.K., M.Si., dina ngaraketkeun kamitraan jeung sababaraha pihak kalayan make panarekan program Jumat Curhat, Jumaah (15/9/2023).
Dibarengan ku Wakapolres Majalengka, Kompol Bayu Purdantono, S.I.K., M.I.K., sarta pejabat utama Polres Majalengka jeung Muspika Kecamatan Majalengka, Kapolres Majalengka ngalakasanakeun Jumat Curhat. Udaganana ngawangun komunikasi nu leuwih hade jeung masarakat.
Ieu teh dina tarekah ngaronjatkeun kaamanan jeung katartiban di wilayah Kabupaten Majalengka. Dina etag kasempetan AKBP Indra Novianto silaturahmi jeung pengasuh Pondok Pesantren Al Quraniyah, Ust. Yuyud Aspiyudin, S.Pd.I., sarta jeung sesepuh Ponpes Drs H.E Z. Abidin, M.Pdi., katut sakumna santri.
Baca Juga: Kasang Tukang Muhaimin Jadi Balon Wapres Anies Kawas Cai Ngamalir
Program Jumaah Curhat mibanda tujuan pikeun ngawadahan aspirasi jeung hal-hal nu keur disanghateupan ku masarakat, utamana di lingkungan Pondok Pesantren Al Quraniyah.
Pingpinan Pondok Pesantren Al Quraniyah mapag kalayan hade hubungan nu raket antara kapulisian katut pondok pesantren. Di antarana nu dianggap bisa ngaraketkeun sinergi dina nyiptakeun lingkungan nu aman tur nyaman di wilayah Kabupaten Majalengka.
Inyana nepikeun sakumna santri bakal sagancangna ngalaksanakeun kagiatan kemah dina raraga Hari Jadi Pramuka ka-62. Parasantri meredih rojongan sarta support ti Kapolres Majalengka dina ngalaksanakeun kemah.
"Dina katartiban lalu lintas, Pondok Pesantren Al Quraniyah tos ngalaksanakeun aturan kalayan hade. Santri nu nganggo motor make helm sarta dokumen kagndaraan lengkep. Dipiharep tiasa janten conto kangge masyarakat lianna," ceuk Ustad Yuyud.
Baca Juga: Harepan Muhaimin Marengan Anies di Pilpres 2024 Disaluyuan ku PKS Tinekanan
