Dina éta gempungan nu dihadiran ku 200 mahasiswa kaséhatan jeung pelajar SMA téh, Dikdik S. Nugrahawan gé mertélakeun, tarékah nyegah jeung ngungkulan kasakit TBC merlukeun sumber daya manusa nu parigel bari ngaubkeun sakumna unsur, boh masarakat boh ormas, katut pamaréntah.
“Usaha ngurangan kasus TBC mungguh merlukeun ketak nyata dibarung rukun gawé lintas séktor kalawan ayana pangrojong sakumna unsur masarakat,” pokna.
Kalawan dipokalan ku Dinas Kesehatan Kota Cimahi, terus digederkeun tarékah pikeun nurunkeun kasus TBC di Kota Cimahi.
Sababaraha tarékah nu baris dilaksanakeun nyaéta ngaronjatkeun tilikan kasus TBC ku cara skrining jeung investigasi kontak, ngaronjatkeun pangaweruh tur kasadaran masarakat kana pentingna Terapi Pencegahan TBC (TPT) geusan nyegah sumebarna TBC, sarta pamahaman TBC minangka isu utama dina sakabéh séktor.
“Eta sakabéh program moal bakal aya hasilna mun teu ngaubkeun sakumna poténsi nu aya, boh lembaga boh perorangan, luyu jeung téma Hari TBC 2023 nyaéta Ayo Bersama Akhiri TBC, Indonesia Bisa!” ceuk Dikdik S. Nugrahawan.***
Baca Juga: Seminar Pikeun Ngaronjatkeun Palayanan Kasehatan Darurat Masarakat