Network
GALURA - Hiji imah nu dijadikeun konveksi, pinuh ku kaèn, jeung 1 unit mobil boks kaduruk, Saptu 11 Maret 2023, kurang leuwih pukul 19.00 WIB.
Éta imah produksi tèh bogana Bu Rahayu, pernahna di Jalan Permai 27 Komplek Margahayu Permai No 8 RT 08 RW 09 Desa Mekarrahayu, Kecamatan Margaasih, Kabupaten Bandung.
Lima unit mobil pemadam ti Dinas Pemadam Kebakaran Kabupaten Bandung diturunkeun ka tempat kajadian.
Kepala Dinas Kebakaran Kabupaten Bandung Hilman Kadar, liwat sekrétarisna, Perdana, nètèlakeun, pihak Disdamkar Kabupaten Bandung narima laporan ayana éta kahuruan, Saptu (11/3/2023) pk. 19.15 WIB.
Baca Juga: Kahuruan di Kabupaten Bandung, Rata-Rata Sapoe Sakali
Respon tim 10 menit tepi ka lokasi kahuruan. Najan teu aya korban jiwa, tapi aset bogana Bu Rahayu nu diperkirakeun Rp. 3 miliar ieu ngalaman rugi kurang leuwih Rp. 2 miliar. Sedengkeun aset nu disalametkeun diperkirakeun kurang leuwih Rp. 1 miliar.
Sababaraha menit ti kajadian kahuruan geus bisa diungkulan ku ngerahkeun 1 Unit Pancar Mako Soreang, 1 Unit Pompa Mako Soreang, 1 Unit Rescue Mako Soreang, 1 Unit Pancar Pos TKI, 1 Unit Suplay Baleendah, jeung 1 Unit Suplay Pacira.
Sedengkeun unsur bantuan; 1 Unit Pancar Lanud Sulaiman, Polsek Margahayu, PMI Kabupaten Bandung, Satpol PP, Linmas, TCT warga sabudeureun, katut REDKAR BEDAS SIAGA.*** Sopandi
Baca Juga: HUT ka-104 Damkar dan Penyelamatan, Ti Mimiti Ngungkulan Kahuruan tepi ka Ngudar Ali tina Ramo
