Network
GALURA – Réana 35 urang budak aub kana sunatan massal, jeung 55 urang milu donor darah ti warga sabudeureun katut pagawè Sentra Wyata Guna Bandung, kamari.
Ieu kagiatan digelar dina raraga milangkala ka-13 Komunitas Reader, rukun gawè jeung Palang Merah Indonesia (PMI), ZAP, katut Dextone.
Kepala Sentra Wyata Guna Bandung Iri Sapria miharep ka hareupna rukun gawè leuwih manteng deui. "Sim kuring ngabagèakeun tur nganuhunkeun ka sakumna kana rukun gawé ieu, sareng ka wargi-wargi ti Reader patali Literasi Braille, sarta miharep bakti sosial tiasa neras,” pokna.
Erna Kania, wawakil Komunitas Reader ogè nganuhunkeun ka Sentra Wyata Guna tepi ka kagiatan bisa lumangsung lungsur-langsar.
Pikeun dipikanyaho, Komunitas Reader téh dibentuk taun 2010 ti para relawan nu sayaga nyumbangkeun sorana di rekaman Audio Book keur para penyandang disabilitas sensorik netra di sakuliah Indonesia.
Kagiatanana macakeun buku, tuluy direkam kana compact disc (CD) ku Komunitas Reader di Perpustakaan Braille, nu mangrupa bagèan ti literasi Sentra Wyata Guna Bandung.***
Baca Juga: Pangajian Rutinan di RMT Daarul Muthmainnah, Ihtiar Ngagumelarkeun Muslimah nu Istiqomah
Baca Juga: Ngungkulan Réana nu Ngaligeuh, Disnaker Kabupaten Bandung Ngayakeun ‘Job Fair’
