GALURA.CO.ID -Dina Galura cetak II Oktober 2023, medal Rebo, 11 Oktober 2023, diguar ngeunaan penting ngarumat barang pusaka, babakuna nu dijieun tina logam, ngamangpaatkeun teknologi.
Pangna Galura cetak II Oktober 2023 ngangkat bahasan utama soal eta lantaran barang-barang pusaka nu diberesihanana sataun sakali dina bulan Mulud, ti taun ka taun kaayanana pikamelangeun wae alatan tai hiangan atawa korosi.
Salila ieu, ceuk Galura cetak II Oktober 2023, lantaran ngaberesihanana ku cara tradisional keneh, dikumbah ku cai kembang, digosok ke jeruk mipis atawa ku calingcing. Geus kitu diunun dina haseup menyan nu cenah ngandung minyak.
Baca Juga: Di Lembur Siluman Rawa Onom Kota Banjar Lahir Wayang Geugeus, tina Kaarifan Lokal
Jeruk mipis jeung calingcing memang ngandung zat asam ngan kandunganana saeutik. Zat asam teh gunana sangkan barang atawa pakakas teu keuna korosi.
Sangkan hasilna leuwih maksimal barang pusaka nu dijieun tina logam, alusna diberesihan ku zat asam anu kuat, ngarah barang pusaka teu keuna ku korosi. Lebah dieu urang ulah gugon kana tradisi.
Tulisan sejenna dina Galura cetak II Oktober 2023 ngeunaan Nelesan di Desa Nagarapageuh, Kecamatan Panawangan, Kabupaten Ciamis nu masih keneh jadi bahan paguneman. Kituna lantaran salian ti diberesihanana ku urang luar Nagarapageuh oge diberesihanana caliweura.
Rubrik Warna-warni midangkeun tulisan ngeunaan peuyeum kroto nu asakna Jumaah Kaliwon. Eta sababnya nyieun peuyeum kroto, kadaharah has Ciluncat, Desa Ciparigi, Kecamatan Sukadana, Kabupatem Ciamis, mah sabulan sakali. Anu nyieun peuyeum kroto kudu dina kaayaan suci jeung ulah ngomong.
Baca Juga: Di Babakan Desa Ciparigi Kabupaten Ciamis Aya Jalan nu Dingaranan Jalan Candi Aspal
Alat transportasi jaman Pajajaran dipedar dina rubrik Nyukcruk Galur.Dilengkepan ku tulisan ngeunaan highway Pajajaran nu ngajenggelek jadi jalan Tol Cipali jeung pedaran Museum Transfortasi nu aya di TMII, Jakarta.
Tulisan lianna: Nu Dipulang ku Kahanjelu, anak kukut nu geus gede sarta nyahoeun lain kolot tegesna leuwih milih cicing di indung bapana. Padahal ku indung bapa kukutna dirorok ti leuleutik tepi ka rumaja.
Rubrik Macangkrama midangkeun MC sohor di Kabupaten Ciamis nu jadi MC alatan kataji ku pidato kuwu Mandalare, Kecamatan Panjalu. Pangalamanana jadi MC matak pogot macana.
Ais pangampih Galura satekah polah midangkeun tulisan hasil liputan wartawanna nu langsung turun ka lapangan. Tina kituna warta-warta dina Galura unggal medalna bisa disebutkeun eksklusif.***