GALURA-Ajun Komisaris Polisi (AKP) Bambang Purnomo, kiwari miboga pancen anyar nyaeta minangka Kasat Binmas Polres Kuningan.
Samemehna, Bambang nyepeng pancen minangka Kepala Kepolisian Sektor (Kapolsek) Darma.
Bambang ngaganti jabatan anu samemehna dicangking ku AKP Budi Hartono.
Baca Juga: Kompol Samsul Bagja Bakhtiar Boga Pancen Anyar di Polda Jabar
Kiwari Budi Hartono ngemban pancen minangka Kabag Ren.
Kapolres Kuningan, Ajun Komisaris Besar Polisi (AKBP) Dhany Aryanda, nyebutkeun mutasi jeung rotasi jabatan teh pikeun ngaronjatkeun ajen inajen palayanan masarakat.
"Mere palayanan hade ka masarakat, minangka wujud pangabdian jeung ibadah," ceuk Dhany, dina acara seren sumeren jabatan perwira Polri, di Mapolres Kuningan, Salasa, (7/3/2023).
Tina mutasi jeung rotasi perwira Polri di Polres Kuningan, aya sababaraha kapolsek anu mancen di tempat anyar.
Di antarana Kapolsek Kadugede AKP Karyana, Kapolsek Darma AKP Sutarja Fahrudin. Kapolsek Kuningan Kompol Herbudiman.
Kapolsek Ciawigebang AKP Ayi Sujana, Kapolsek Lebakwangi AKP Wawan Hernawan, Kapolsek Subang IPTU Dede Kusnadi, Kapolsek Kramatmulya IPTU Adin Safrudin.