GALURA – Nyieun paspor kiwari mingkin gampang, bisa daftar make aplikasi M-Paspor.
Enya, dina palayanan paspor nu dilakukeun Kantor Imigrasi, daftarna mah kalawan online dina aplikasi M-Paspor.
Baca Juga: Panglayan Paspor Ramah HAM di Kantor Imigrasi Kelas I TPI Bandung, Keur nu Mibanda Pangabutuh Husus
Eta aplikasi M-Paspor teh bisa dipaluruh di Google Play atawa App Store.
Paspor teh dokumen perjalanan nu lumaku sacara internasional.
Anapon nu ngaluarkeun pasporna nagara asal eta warga nu boga paspor, Kantor Imigrasi tea.
Di Indonesia, boh di kota boh kabupaten di sakuliah provinsi, meh aya kantor imigrasi tempat nyieun paspor.
Mun urang rek indit ka luar negri, wajib miboga paspor.
Paspor teh lir ibarat KTP nu diaku ku dunya internasional. Ku kituna, nagara sejen bisa mikanyaho identitas urang jeung ti nagara mana asalna.
Tah, horeng nyieun paspor ayeuna mah mingkin babari sarta tumaninah.
Sakumaha nu dicutat tina imigrasi.go.id, sakur WNI bisa ngajukeun nyieun paspor, atawa ilahar disebut paspor biasa.
Paspor biasa diwengku paspor biasa elektronik (e-paspor) jeung paspor biasa non elektronik.
Paspor biasa diterbitkeun ku ngagunakeun Sistem Informasi manajemen kaimigrasian.***