GALURA-alila usum ngijih kiwari, Tri Prayitno (47) peternak jangkrik di wewengkon Kabupaten Kuningan, kudu nyaluyukeun kana kondisi cuaca.
Eta ku sabab jangkrik henteu paya ku hawa tiis. Lamun henteu paeh, hawa tiis mangaruhan kana mekarna jangkrik anu dibudidayakeun.
Baca Juga: Elang Jawa Jelita jeung Parama Dikencarkeun di Wewengkon TSI Cisarua Bogor bari Dpasangan GPS
"Ku margi saban dinten hujan, hawa tiis, janten elat panen," ceuk Tri, peternak jangkrik di lelewek Kelurahan Ciporang, Kecamatan Kuningan.
Dumasar anu kaalaman ku manehna, panen jangkrik elat lantaran pangaruh hawa tiis nu beda ti sasari.
Tri ngeceskeun, lamun dina usum halodo umur jangkrik bisa dipanen dina waktu 25-30 poe ti mimiti nebarkeun endog jangkrik.
Dina usum hujan mah, ceuk Tri, bisa ngahontal 35-40 poe kakara bisa dipanen. Normalna, umur 30 poe kakara bisa dipanen.
"Jangkrik ngabutuhkeun cara –cara husus dina usum ngijih," pokna.
Baca Juga: Carita Sagedengeun Tukang Bangunan: Beungeut Maneh Teu Ngelot!
Ceuk Tri, satuluyna, saban peternak jangkrik ngalakonan cara husus pikeun nyegah elatna panen.
Kaaasup tarekah sangkan jangkrik bisa kapanen dina waktuna, nyaeta ku cara mere parab nu ngandung gizi jeung vitamin maneuh saban poe.
Eta pikeun ngaronjatkeun daya tahan awak jangkrik sangkan kuat tina pangaruh hawa tiis.
Baca Juga: Lima Kasakit nu Kudu Dijauhkeun, papagon Sanghyang Siksa Kandang Karesian
Ceuk Tri, satuluyna, lamun cuaca atawa iklim keur normal, biasana parab jangkrik teh poor, jeung jenis parab sejenna, nu biasa dipake parab hayam.
Sanajan sacara kaelmuan tacan aya parab husus pikeun jangkrik, dumasar pangalaman parab hayam nu biasa diical di toko cocog kanggo parab jangkrik," pokna.***