Carita Sagedengeun Tukang Bangunan: Beungeut Maneh Teu Ngelot!

GALURA - Carita sagedengeun tukang bangunan teh tina sok lolongok ka proyek pun dulur di Arcamanik, Kota Bandung.

Mitembeyan Agustus 2022, ayeuna maju ka ahir Januari 2023, rupaning carita sagedengeun tukang bangunan mindeng kareungeu.

Lagu ngawangun renovasi, di lokasi proyek sok aya wae carita sagedengeun tukang bangunan.

Baca Juga: PSIS vs Persib Liga 1 2022-2023, Luis Milla Meredih Victor Igbonefo Saparakanca Teu Nganggap Enteng Lawan

Demi nu garawena teh kira 15 urang, atuh carita sagedengeun tukang bangunan teh minangka ubar nyinglar kacape, oge jadi matak teu karasa nyerelekna waktu.

Nu garawe lolobana mah urang Nagrag, Kac. Pacet, Kab. Bandung, ngawengku tukang sarta laden.
Mandorna, Mang Aep (60), wakilna ku Ujang (33).

Dina guneman maranehanana lagu narjamahkeun gambar kerja, sok mindeng mucunghul istilah-istilah nu ilahar aya dina widang wangunan nu lolobana mah adopsi ti Basa Walanda.

Baca Juga: Lima Kasakit nu Kudu Dijauhkeun, papagon Sanghyang Siksa Kandang Karesian

"Urang nyieun boplang heula!" ceuk Mang Aep, waktu ngamimitian rek ngawangun.