Network
“Ka mana kitu?”
“Ka Sumedanglarang.”
“Jauh temen.”
“Asal keyeng pasti tepi.”
“Ning Aki Jaya ngajak uing?”
“Kateuing. Sugan waé engké di jalan nurunkeun élmu pangaweruhna. Peupeuriheun Aki tacan kaburu ngeusian ilaing.”
“Aki mah tuda korét.”
“Korét kumaha?”
“Boga tutumpakan ogé teu bébéja. Ka incu téh sina leumpang waé...,” ceuk Suba mangloh akina.
“Aki mah apan teu boga kuda, ilaing ogé nyaho,” tembal akina.
