GALURA.CO.ID -Satutas ngaluuhan bubuka Pleno Rekapitulasi Hasil Penghitungan Perolehan Suara Tingkat Kabupaten Bandung Pemilu 2024 di Hotel Sutan Raja Soreang, Bupati Bandung ngalaksanakeun Jumla'ah Keliling ka 91 di Masjid Al-Itihad Desa Sadu, Kecamatan Soreang, Kabupatem Bandung, Jum'at (1/3/2024).
Sabada ngalaksanakeun solat Juma'ah Dadang Supriatna nyosialisasikeun program prioritas Kabupaten Bandung, di antarana program guru ngaji kalayan anggaran Rp 109 miliar keur kuota 17.000 urang, nganggarkan Rp 25 miliar jang Program Kartu Tani taun 2023, BPJS Ketenagakerjaan jang 87.781 petani, jeung nu lianna.
Dina kasempatan Jumling, Bupati ogè nyantunan budak yatim. Samèmèh ninggalkeun Masjis Al-Itihad, Dadang Supriatana talatah ka masyarakat sangkan ngaronjatkeun kawaspadaan patali cauaca ektrim.
"Sanès mung tanggelwaler pamarèntah, perkawis bencana memang masalah alam, tapi simkiring ogè tos nyayagikeun anggaran. Kamari tos ngagèsèr Bantuan Tak Terduga (BTT) kanggo ngabantos masarakat nu katarajang bencana kanggo kaperyogian tuangna, " ceuk Dadang Supriatna.
Bupati nyebutkeun, inyana geus nugaskeun para camat pikeun .ngalakukeun asismen. "Sabaraha kinten-kinten warga nu keuna bencana. Simkuring tos masihan waktos dugi ka kaping 5 Maret 2024 kanggo ngalakukeun asesmen. Hasilna bakal masihan bantosan luyu sareng palaturan," pokna. *** Sopandi