Network
GALURA.CO.ID - Proses ngitung soara Pemilu 2024 real count anu dilaksanakeun Komisi Pemilihan Umum (KPU) keur pemilihan legislatif (pileg) DPRD Majalengka di daerah pemilihan (dapil) Majalengka 4 tepi ka Saptu jam 01.00 WIB (24/02/2024) geus 73,03 persen.
Soara anu geus asup asal ti 585 tina total 801 tempat pemungutan suara (TPS). Dapil 4 Majalengka aya dina auban Kecamatan Cigasong, Kecamatan Sukahaji, Kecamatan Sindang, Kecamatan Maja, Kecamatan Argapura, Kecamatan Banjaran jeung Kecamatan Talaga.
PDIP di Dapil 4 Majalengka nyangking soara panglobana, 21.863 soara (28,71 %). Caleg anu nyangking soara panglobana Tita Juwita Hipdiah, H Sahidi jeung Didi Supriadi.
Baca Juga: Dandim 0617/Majalengka Ngaluuhan Majelis Shalawat Kubro 7 di Ponpes Asasul Huda
Posisi kadua dicangking Partai Keadilan Sejahtera (PKS) kalayan ngantongan 12.396 soara (16,18 %). Posisi katilu Partai Golkar 9.214 soara (12,1 %).
Caleg anu meunang soara panglobana Golkar: Dasim Raden Pamungkas anu samemehna anggota DPRD Majalengka ti Partai Nasdem.
Kaopat Partai Kebangkitan Bangsa (PKB) kalayan meunang 7.696 soara (10,11 %). Caleg anu nyangking soara panglobana di partai anu dipupuhuan ku Cak Imin teh M Tb Hishnu Najatin R.
Inyana politisi ngora tur karek nyaleg ayeuna, mampuh ngelehkeun caleg incumbent Liling Ali Mukti.
Partai Gerindra juara kalima nyangking 5.815 soara boh (7,64 %). Caleg soara panglobana Jujun Junaedi. Posisi satuluyna Partai Amanat Nasional (PAN) kalayan mawa 5.724 soara (7,52 %).
