Network
GALURA-Saurang lalaki inisial K alias I (43), tega mateni bebendena D alias gadis (30), di Imah kontrakan, lelewek Kelurahan Awirarangan, Kecamatan Kuningan, Kabupaten Kuningan, Salasa, (30/1/2023).
K jeung I teh urang Kuningan, beda daerah kecamatan. Di Awirarangan mah semet ngontrak.
Samemehna geunjleung, pajah aya anu mateni diri sorangan (bunuh diri). Tapi sanggeus ditalungtik ku pulisi, singhoreng dipateni ku bebendena.
Sabengbatan, saha anu teu percaya lamun korban mateni diri sorangan teh. Basa kapanggih, korban kabulen ku kaen.
Samalah aya surat wasiat deuih, anu saoah olah dijieun ku korban. Padahal, dijieun ku palaku.
Ceuk Kapolres Kuningan, AKBP Willy Andrian, palaku nyieun siasat sangkan kalakuanna henteu katohian.
Sanggeus mateni korban, palaku aya tempat kejadian perkara (TKP). Samalah milu ngagotong jenazah korban.
Aya anu ngondang kacurigaan, anu nudihkrun korban lain mateni diri sorangan, tapi aya ulon-ulon di satukangeun eta kajadian.
Pulisi curiga, ngarah ka pihak anu salila ieu deukeut reujeung korban. Sanggeus diseleksek, I ngaku yen anu mateni korban teh manehna.
"Palaku ngaku, nyieun surat wasiat kanggo ngaleungitkeun tapak kalakuanna," ceuk Putu.
