Network
GALURA-Kuasa Hukum Pondok Pesantren (Ponpes) Husnul Khotimah, Eka El Fauzan, ngarojong pihak kapulisian Polres Kuningan anu kiwari ngalakonan proses penyidikan patali aya salasaurang santri anu tilar dunya, diduga korban tindak pidana anu dilakonan ku 18 urang baturna.
Ceuk Eka, salaku kuasa pihak Husnul Khotimah, inyana baris tuhu kana aturan anu lumaku luyu reujeung perundang-undangan hukum. Hartina milu runtuyan ngaliwatan proses penyidikan kapulisian, kajaksaan jeung kaputusan sidang pengadilan negeri.
Baca Juga: 18 Santri Husnul Khotimah Kuningan Diamankeun Pulisi
Eka nyebutkeun, pihak Ponpes Husnul Khotimah prihatin reujeung ngarasa kabongohan tina ieu kajadian di luar kagiatan sapopoe santri sejenna di lingkungan pondok pesantren.
“Tadi wengi sim kuring ngajejeran langsung, leres tos aya genep urang anu ditetepkeun janten tersangka,” ceuk Eka, Rebo, 6 Desember 2023.
