Network
GALURA.CO.ID -Legislator Fraksi Partai Keadilan Sejahtera (PKS) DPRD Kabupaten Bandung, Tedi Surahman mungkas Reses Masa Sidang I Tahun 2023 DPRD Kabupaten Bandung, nepungan konstituenna nu diondang di GOR Desa Mekarrahayu Kecanatan Matgaasih Kabupaten Bamdung, Juma'ah 17 Nopember 2023.
Samèmèhna ieu anggota DPRD Kabupaten Bandung nu ogè Caleg DPRD Propinsi Jawa Barat ngalaksanakeun reses di tilu titik: Salasa,14 November 2023, di Pondok Pesantren Tahfidz SQI, Margahayu Kencana Kecamatan Margahayu.
Di titik kaduana, Rebo, 15 November 2023, di GOR SANTOSA Sukabirus Desa Lagadar Kecamatan Matgaasih, jeung di titik katiluna; Kemis, 16 November 2023, di Aula MDT Al Muslimun Kecamatan Katapang.
Tedi nètèlakeun, ti titik kahiji reses tepi ka pungkas rata-rata muarana kana program usulan saban taunna. "Reses lawang lebetna ajuan ka anggota DPRD," pokna.
"Ku margi jalur Musrenbang seueur nu dipupus atanapi teu janten, nya diusulkeun ka DPRD. Pami usulan ku DPRD dientri, diacc pasti cair. Tapi upami Musrenbang kurang pagu anggaranana, dicoret atawa teu cair, " pokna.
Tedi ngajelaskeun, aspirasi nu ditepikeun warga, boh lisan boh tinulis dina lambar aspirasi dina reses ayeuna nyaèta jang direaalisasikeun taun 2025. Usulan nu geus direlisasikeun dina taun 2023 tina reses taun memehna,
"Ku kituna reses ayeuna disebut Masa Sidang I, najan dilaksanakeun ahir taun 2023, engke awal taun 2024 kasebut Masa Sidang 2, najan dilakukeun awal taun 2024." ceuk Tedi Surahman.*** Sopandi
