Network
GALURA.CO.ID -Kabupaten Ciamis dijadikeun pusat Deklarasi Pemilu Damai Tahun 2024 Provinsi Jawa Barat. Acarana lumangsung di Gedung KH. Irfan Hielmy, Senin (06/11/2023).
Diiluan ku para pimpinan partey politik, ketua organisasi masyarakat, tokoh agama, jeung tokoh budaya, boh sacara langsung boh virtual nu ngawengku 25 satuan di Jawa Barat jeung Banten.
Dina ieu deklaras Pemilu Damai, Kasad Jenderal TNI Agus Subiyanto, S.E., M.Si. jeung rombongan, rawuh, dibarengan ku Bupati Ciamis Herdiat Sunarya jeung jajaranna. Kunjungan kerja Kasad dina raraga ngarojong Pemilu Damai Tahun 2024 di Provinsi Jawa Barat.
Baca Juga: Bebegig Sukamantri Seni Helaran Has Ciamis Jadi Kesenian Has Malausma Kabupaten Majalengka?
Dina pangbageana, Bupati Ciamis jumlah pemilih tetap di Kabupaten Ciamis ngahontal 965.589 urang sumebar di 27 kecamatan, 258 desa, jeung 7 kelurahan.
Bupati ngembarkeun dua poe samemeh Deklarasi Damai, para pimpinan partey politik, tokoh agama, jeung masarakat ngalaksanakeun kirab pemilu damai di buruan pendopo, narima estafet ti Kabupaten Kulon Progo, Yogyakarta
“Ku Deklarasi Pemilu Damai, dipiharep partisipasi masarakat (datang ka TPS dina pemilu 14 Februari 20224) ngaronjat kalayan target 85 persen. Dina pemilu samemehna ngahontal 82 persen. Mudah-mudahan dina Pemilu engke partisipasina masarakat langkung ngaronjat,” ceuk Bupati Ciamis.
Kasad Jenderal TNI Agus Subiyanto, S.E., M.Si. miharep Deklarasi Pemilu Damai nyiapkeun sakumna komponen masyarakat di Jawa Barat ngalaksanakeun Pemilu taun 2024 aman jeung repeh-rapih sangkan demokrasi mibanda martabat.
Baca Juga: Pernyataan Pers Persatuan Wartawan Indonesia (PWI) Pusat ngeunaan Situasi Konflik di Gaza
