Network
GALURA-Satuan Resor Kriminal (Satreskrim) Kepolisian Resor (Polres) Kuningan, nyangkalak dua urang palaku tindak pidana kriminalitas curanmor (pencurian kendaraan bermotor).
Eta dua palaku anu katohian geus maling sapedah motor teh inisial RN jeung A-T, anu taya lian bapa reujeung anak, diduga maling sapedah motor bogana Ahmad, urang wewengkon Desa Karangmuncang, Kecamatan Cigandamekar.
Ceuk Kepala Kepolisian (Kapolres) Kuningan, Ajun Komisaris Besar Polisi (AKBP) Willy Andrian, dijejeran Ka Satreskrim Ajun Komisaris Polisi (AKP) Anggi Eko Prasetyo, R-N jeung A-T diduga maling sapedah motor anu diparkir di pabrik roti bogana Ahmad.
Nurutkeun Willy, saenyana sapedah motor anu dina kaayaan dikonci. Pon itu panto parik oge dina kaayaan dikonci deuih. Dua palaku asup ka jero pabrik ngaliwatan angin-angin (ventilasi) panto.
“Palaku diancam pasal pidana penjara paling lami tujuh sasih, ngarempak pasal 363 ayat 1 Ke 4-e KUHP,” ceuk Willy, basa Konferensi Pers, di Mapolres Kuningan, Poe Saptu, 13 Oktober 2023, ***
