GALURA.CO.ID- Eksekutif jeung legislatif Kabupaten Bandung sapuk kana Rancangan APBD Perubahan taun 2023 tina Rp4,7 jadi Rp6,69 triliun.
Ieu kasapukan dihasilkeun tina Rapat Paripurna DPRD Kabupaten Bandung nu digelar di Gedung Paripurna DPRD Kabupaten Bandung di Soreang, Senèn, 11 September 2023.
Bupati Bandung Dadang Supriatna nyebutkeun disaluyuanana anggaran perubahan ku sabab PAD nambahan. Ayeuna pihakna kari nungguan evaluasi ti Pj Gubernur, Bey Machmudin.
Baca Juga: Senen Kamari, Bupati Bandung Ujug-Ujug Sidak ka Bapenda
Bupati Bandung miharep proses evaluasi kana Rancangan APBD Perubahan Kabupaten Bandung ku Penjabat Gupernur Jawa Barat teu lila. Anggaran APBD Perubahan bisa efektif dilaksanakeun bulan Oktober, November jeung Desember.
Dadang Supriatna panceg rèk ngarojong APBD Perubahan jang ngagancangjeun ngawujudna tilu program prioritas di ahir taun 2023: widang atikan, kasehatan jeung infrastruktur dasar utamana jalan, irigasi pertanian, jeung ngamekarkeun Sistem Penyedian Air Minum (SPAM).*** Sopandi