Network
GALURA-Kepolisian Resort (Polres) Kuningan ngamankeun 26 unit kandaraan sapedah motor, anu henteu dilengkepan surat-surat jeung henteu nyumponan standar sakumaha anu dilumakukeun.
Eta sapedah motor anu jumlahna sakitu, diamankeun ku patugas basa ngayakeun patroli gabungan, Saptu, (4/2/2023), peuting nepika wanci janari.
Baca Juga: Dandim 0624 Kabupaten Bandung: Mahasiswa Kudu Miboga Jiwa Patriotisme
Sajaba ngamankeun sapedah motor, tim patroli gabungan kasebut, ngamankeun 3 urang anu diduga ngalakukeun tindak pidana nyalahgunakeun obat keras terbatas.
Kapolres Kuningan, Ajun Komisaris Besar Polisi (AKBP) Dhany Aryanda, nyebutkeun , tilu urang anu diamankeun ku patugas, dua diantarana mawa 4 pel Tramadol HCI jeung 3 pel Trihexyphenidyl.
Anu saurang deui mah mawa inuman NU ngandung ahkohol jenis tuak, reana 4 bungkus plastik.
Dany nyebutkeun, patroli gabungan dina cipta kondisi antisipasi gangguan kamtibmas jeung geng motor di wilayah hukum Polres Kuningan.Baca Juga: Di Palabuan Karajaan Sunda, Kapal-Kapal Niaga ti Mancanagara Larsup
Patroli kasebut, ngalibetkeun 83 anggota Polres Kuningan, 6 anggota Kodim 0615 Kuningan, 5 anggota Satpol PP, 6 unsur dishub jeung 116 anggota Polsek.
Patroli gabungan nyebar nyasar utamana di sababaraha lokasi rawan premanisme Jeung tawuran antar kelompok Jeung daerah rawan gangguan kamtibmas sejenna.
