GALURA - Dua wangunan (bangunan) nu aya di Dusun Cinyawar Desa Selaawi Kacamatan Talegong, Kabupaten Garut kareumpeukan tatangkalan nu rungkad nepi ka burakrakan.
Ungtungna wae, eta kajadian teu ngalantarankeun korban jiwa, saban nu nyicinganana pareng keur di luar.
"Teu aya korban jiwa," cek Camat Talegong Mohammad Badar Hamid ka Galura, Minggu 5 Pebruari 2023.
Baca Juga: Alun-Alun Garut, Diropea tapi Merenah Keneh Disebut Alun-Alun, Ciri Hasna Teu Leungit
Baca Juga: Endog Lewo, Kuliner Has Garut, Emplod nu Boga Ngaran Husus Alatan Beda Rasana
Nurutkeun katerangan, kareumpeukanna wangunan di Selaawi teh Saptu 4 Pebruari 2023 kamari, kira jam 07.00 WIB.
Imah nu kareumpeukan, nu hiji bogana warga ngaran Ridwan, ari nu hiji deui panggung pagelaran bogana SN di Cinyawar.
Nurutkeun katerangan, malem Saptu mangkukna wewengkon Cinyawar digeyer hujan dibarung angin.