Network
GALURA-Urang Desa Tambakbaya, Kecamatan Garawangi, Kabupaten Kuningan, anu miboga lahan tanah tampa sertifikat tanah kiwari ngarasa guligah.
Teu rek kitu kumaha, lantaran lahan tanah anu samemehna tampa sertifikat teh kiwar geus sah sacara hukum, sabada nampa sertifikat tanah ti pamarentah.
Enya, sertifikat tanah tina PTSL berbasis masarakat tea, anu sacara simbolis dipasrahkeun ku Penjabat Bupati Kuningan, Iip Hidajat, di Desa Tambakbaya, Salasa, 9 Januari 2024.
Kepala Desa Tambakbaya, Lukman Mulyadi, nyebutkeun sertifikat anu katampa ku masarakat di Desa Tambakbaya jumlahna 703 sertifikat.
Samemehna, ceuk Lukman, inyana nargetkeun 1.100 bidang tanah, tapi anu kacumponan 703 sertifikat.
Sanajan kitu, keur masarakat Tambakbaya geus ngarasa bungah nampa sertifikat tanah teh.
"Sacara hukum parantos sah ngeunaan hak kapamilikan tanah," ceuk Lukman Mulyadi.
Ngeunaan eta hal oge di tetelakeun ku Penjabat Bupati Kuningan Iip Hidajat.
Ceuk Iip, sertifikat tanah miboga kakuatan saupama dina hiji waktu aya anu ngagugat hak kapamilikan tanah.
Sajaba kitu, sertifikat tanah bisa jadi jaminan nginjeum duit ka bank pikeun modal usaha. Sertifikat tanah kudu diteundeun kalawan hade.
