Network
Dina ngadistribusikeun logistik kudu gancang jeung merenah, teu kaganggu saupama kajadian bencana alam. Eta penting pikeun nunjel kalancaran Pemilu.
“Logistik minangka bagean dokumen nagara anu ku sakumna pihak penyelenggara pemilu. kedah dijaga. Ku margi kitu dina pangawasan logistik dilakonan luyu sareng katangtuan perundang-undangan," ceuk Ade.
Nurutkeun Ade, Panwaslu Kecamatan Ciniru minangka palaksana lapangan Badan Pengawas Pemilu (Bawaslu) Kabupaten Kuningan, ngalakonan lengkah-lengkah srtaegis pikeun nyinglar hal-hal anu henteu dipiharep.
Dumasar hasil data PPK jeung Panwas Kecamatan Ciniru, jumlah daptar pemilih tetap (DPT) di Kecamatan Ciniru teh 15.773, anu baris nyalurkeun hak pilih di 74 tempat pemungutan suara (TPS) di 9 desa kecamatan kasebut.
PPK Kecamatan Ciniru, geus ngararancang nyumponanan logistik pemilu tahap I mangrupa 370 kotak suara, 148 botol tinta, 296 bilik suara, 7.072 segel, 1.910 segel palastik.
Satuluyna, dina nyumponan logistik pemilu tahap mangrupa surat suara jumlahna 16.089 lambar, sampul 5.476 lambar, formulir 740 set, alat bantu tuna netra 740 lambar jeung daftar pasangan calon 74 paket daftar calon tetap.
