Network
GALURA-Persatuan Wartawan Indonesia (PWI) Kabupaten Kuningan, rek ngayakeun Konferensi PWI, anu baris lumangsung dina tanggal 14 Desember 2023.
Panitia geus tatahar, samalah geus muka lolongkrang pikeun anggota anu rek nyalonkeun ketua.
Pupuhu Panitia Konferensi PWI Kabupaten Kuningan, Deden Rijalul Umam, nyebutkeun pendaftaran bakal calon ketua PWI Kuningan dibuka ti semet tanggal 7 nepika 9 Desember 2023.
"Aya lolongkrang tilu dinten kanggo ngayak bakal calon anu nyomponan pasaratan," ceuk Deden.
Deden nyebutkeun, anu daftar mah kakara saurang nyaeta Maman Sutarman, wartawan Sinar Pagi Baru.
Sacara rinci, ceuk Deden, panitia geus ngumumkeun di internal organisasi, nyoko kana PD/PRT anyar hasil kongres jeung surat edaran PWI puseur.
"Sim kuring miharep anggota anu nyumponan sarat sagancangns masrahkeun berkas pendaftaran," ceuk Deden.***
