Prajurit Zidam III Siliwangi Dilatih Operasional Mesin Bubut, Ngawasa Transfer Teknologi

- 5 Maret 2023, 18:35 WIB
Prajurit Zidam III Siliwangi dilatih kaparigelan ngaoperasionalkeun mesin bubut, di Depo Material Zeni (Domadzi) Zidam III Siliwangi, Jl. Kalidam, Kota Cimahi, 28 Februari-2 Maret 2023.
Prajurit Zidam III Siliwangi dilatih kaparigelan ngaoperasionalkeun mesin bubut, di Depo Material Zeni (Domadzi) Zidam III Siliwangi, Jl. Kalidam, Kota Cimahi, 28 Februari-2 Maret 2023. /Dok Pengdam III Siliwangi/

GALURA – Prajurit Zidam III Siliwangi dilatih kaparigelanana dina ngaoperasionalkeun mesin bubut enggoning ngaronjatkeun SDM prajurit.

Pelatihan ngaoperasionalkeun mesin bubut pikeun prajurit Zidam III Siliwangi teh digelar di Depo Material Zeni (Domadzi) Zidam III Siliwangi, Jl. Kalidam, Kota Cimahi, 28 Februari-2 Maret 2023.

Eta pelatihan teh boga maksud malar prajurit Zidam III Siliwangi mampuh ngawasa transfer teknologi, hususon dina bab operasional mesin bubut.

Baca Juga: Pangdam III Siliwangi: Paheutkeun Rukun Gawe Dina Sual Ngungkulan Runtah

Kazidam III Siliwangi Kolonel Czi Rielman Yudha, mertelakeun, dina organisasi, unsur sumber daya manusa (SDM) kalintang pentingna geusan ngarojong kana kasuksesan palaksanaan tugas.

Ku kituna, Zidam III Siliwangi ngagelar pelatihan kaparigelan mesin bubut pikeun prajurit Zidam III Siliwangi nu diaping ku Kabeng Domatzi Kapten Czi Budi Jansen.

“Nyiapkeun prajurit nu tapis parigel teh minangka perkara penting nu kudu dilakukeun. Salasahijina ku cara ngawewegan kaparigelanana geusan ngarojong kalancaran tugas, oge ayana transfer teknologi,” pok Kazidam III Siliwangi, Minggu, 5 Maret 2023.

Baca Juga: Pangdam III Siliwangi: FKPPI Kudu Mibanda Konsep nu Dilarapkeun Kalawan Nyata

Mesin bubut minangka salasahiji sarana teknologi nu ngadukung kana palaksanaan tugas prajurit.

Tah, pamanfaatan sarta kamekaran eta teknologi teh kudu terus diigelan luyu jeung pangabutuh.

“Teknologi nu hade teh nyaeta teknologi terapan nu adaptif, luyu jeung kaayaan prajurit jeung kondisi lapangan, malar leuwih mangpaat,” ceuk Kolonel Czi Rielman Yudha.

Dina eta pelatihan Zidam III Siliwangi, nu jadi instruktur teh Satri Saad, urang Padang, nu miboga CV Orchid Service Padang.

Bengkel Satri Saad teh tempat servis katut nyieunan alat-alat berat kayaning traktor, ekskavator, mesin bubut, mesin potong, jeung sajabana.

Materi pelatihan antarana ngeunaan fungsi mesin mesin bubut, bagean-bagean mesin, cara ngajalankeun, maca alat ukur, turta cara miarana.

“Muga wae ku ayana eta pelatihan, prajurit Zidam III Siliwangi mingkin tapis lagu ngaoperasionalkeun mesin bubut, nampa transfer teknologi, tepi ka mampuh mroduksi jeung ngomean alat-alat, hususon paralatan zeni,” pok Kolonel Czi Rielman Yudha. ***

 

 

Editor: Ajun Mahrudin


Tags

Artikel Pilihan

Terkini

Terpopuler

Kabar Daerah