Network
Ceuk wangsit nu katarima ku pandita di Karajaan Hariangan, Sang Purohita, putri Kendita sangkan leupas tina pangaruh tenung kudu tatapa.
Tatapana teh di batu lempar panggedéna di lebah dua batu nu disebut Batu Lawang di basisir Lebak Cawene, deukeut muhara Cisakawayana (sabudeureun Palabuanratu ayeuna).
Sanggeus mangtaun-taun mujasmédi sarta mandi di wahangan Cisakawayana, pamaksudanana dikabul, Putri Kendita jadi geulis saperti bihara deui.
Batu urut tatapana nepi ka ayeuna disebut Batu Kendit. Putri Kendita henteu balik deui ka karaton, tapi terus jadi panguasa di dinya jeung ngawasa laut kidul.***
