Bobotoh Persib taun 1960an, Persib Maen Kandang, di Limbangan Endog Hayam dina Sayang Ledis

- 6 Februari 2023, 13:00 WIB
Pamaen Persib taun 1960. Di Limbangan mun Persib rek maen kandang di lapang Sidolig, endog hayam dina sayang ledis dicokotan.
Pamaen Persib taun 1960. Di Limbangan mun Persib rek maen kandang di lapang Sidolig, endog hayam dina sayang ledis dicokotan. /

GALURA -Harita, taun 1960an, mun Persib rék maén ngalawan klub ti luar kota upamana ti Jakarta, Surabaya jeung Makassar, pisamimggueun deui sok geus diwartakeun dina suratkabar jeung RRI Bandung.

Mun keur maen kandang, Persib biasana maénna téh poé Saptu. Ti poé Senén samemehna, warta geus nyebar, kaasup di RRI Bandung.

Urang Limbangan Kabupaten Garut,  jeung sakur nu rek ngabobotohan  ti barang ngadenge bewara ti RRI Bandung, Persib rek maen kandang  geus éjégélér.

Baca Juga: Prediksi Persib vs PSS Sleman, Luis Milla Gede Hate, Seto Nurdiantoro Muji Maung Bandung

Hayang wahiyuh lalajo Persib makalangan di Stadion Sidolig, Kota Bandung. Kituna teh bari uleng mikiran pibekeleun.

Ari indit ti Limbangan mah teu pati susah. Bisa milu kana treuk nu ngakut minyak kalapa ti Ciamis. Sok eureun di harepeun toko “Héjo” Haji Uding, deukeut Jalan Cagak Limbangan.

Teu manggih jalan alus pikeun meunang pibekeleun, kapaksa ngambah jalan goréng. Ngaranjah sayang hayam ti saban imah, boh nu aya di luhur juru dapur, boh nu aya di paranjé.

Nya lumayan, tina sasayang opat endog ogé, dikumpulkeun ti salembur mah sok meunang  antara 20 siki tepi ka 30 siki.

Laju dijual ka bandar endog, dalapan pérak hijina. Boga duit rata-rata Rp200,- mahi keur tiluaeuneun lalajo  jeung keur dahar capek rahém.

Halaman:

Editor: Nanang Supriatna


Tags

Artikel Pilihan

Terkait

Terkini

Terpopuler

Kabar Daerah

x