Dimimitian ku Ma Jaer, Revitalisasi Seni Umbul Mekar di Situraja Kabupaten Sumedang

- 6 Maret 2023, 11:00 WIB
Tari seni umbul ti Kabupaten Sumedang, seniman ngareviitalisasi seni umbul nu taun 1990an dimimitian ku Ma Jaer.
Tari seni umbul ti Kabupaten Sumedang, seniman ngareviitalisasi seni umbul nu taun 1990an dimimitian ku Ma Jaer. /Yaya Kuyswaya/Galura

 

GALURA -Kahirupan seni umbul di Kabupaten Sunedang lumangsung tepi ka ahir taun 1950-an. Ti harita ieu seni nu asalna ti Indramayu atawa Cirebon teh ampir pareum. Ceuk maskot seni umbul Ma Jaer nu leuwih sohor ku julukanana Si Ringgit, pareumna seni umbul alatan regenerasi seni umbul kateug.

Ma Jaer dumuk di Dusun Parugpug Desa Cijambe Kacamatan Paseh. Kabupaten Sumedang nu jumeneng tepi ka paro taun salapan puluhan, kungsi gawe bareng jeung salahsaurang tokoh masarakat Kacamatan Paseh, kungsi ngawanohkeun deui seni umbul ka masarakat.

Saacan seni umbul makalangan deui, Ma Jaer kaburu mulang ka kalanggengan. Sabada ditinggalkeun ku Ma Jaer seni umbul di Kacamatan Paseh teu kadenge. Kabehdieunakeun seni tradisi nguniang di Kacamatan Situraja Kabupaten Sumedang, kacamatan anu patapel wates jeung Kacamatan Paseh.

Baca Juga: Seni Umbul di Kabupaten Sumedang, Asalna ti Indramayu jeug Sumedang

Ku karancagean seniman Situraja seni umbul diropea deui bari teu ninggalkeun ciri anu mandiri, dina gaya jeung cara anu beda, nyaluyukeun jeung kaayaan jaman.

Ditingkatkeun kreasina bari teu mopohokeun kana tradisina Ti harita ieu seni the mimiti dipikawanoh deui ku masarakat hususna urang Situraja, nikreuh ngeureuyeuh.

Umbul nu asalna seni rayat di pilemburan kiwari unggah harkatna ka patengahan. Baheula midangna pipindahan, ngamen ti lembur ka lembur ayeuna mah milu aub tandang minton dina tiap kagiatan seni di Kacamatan Situraja.

Seni umbul jadi seni anu dipikaresep ku masarakat. Unggal pintonan teu weleh loba nu lalajona.

Ahir taun 2019, kungsi digelar sacara kolosal tari seni umbul. Tempatna di basisir Bendungan Jatigede, Kacamatan Jatigede Sumedang.

Halaman:

Editor: Nanang Supriatna


Tags

Artikel Pilihan

Terkait

Terkini

Terpopuler

Kabar Daerah

x