Pinunjul Kahiji Maca Sajak Ajip Rosidi, Maulana Fikri: Puisi Nyumponan Pangabutuh Batin

- 4 Maret 2023, 09:07 WIB
Maulana Fikri Dwi Laksana, nu kapeto jadi pinunjul kahiji pasanggiri maca sajak ‘Jante Arkidam’ karya Ajip Rosidi dina raraga ngareuah-reuah Poe Basa Indung Sadunya 21 Februari 2023.*
Maulana Fikri Dwi Laksana, nu kapeto jadi pinunjul kahiji pasanggiri maca sajak ‘Jante Arkidam’ karya Ajip Rosidi dina raraga ngareuah-reuah Poe Basa Indung Sadunya 21 Februari 2023.* /R. Agam/

GALURA – Kapeto jadi pinunjul kahiji maca sajak Ajip Rosidi, pikeun aktor Maulana Fikri Dwi Laksana minangka kareueus.

Mimindengna maca puisi dina basa Indonésia, ari ieu aya kasempetan milu pasanggiri maca puisi basa Sunda karya Ajip Rosidi téa, keur Maulana Fikri mah éstu jadi tangtangan.

Kalawan tatahar jero saminggu, antukna Maulana Fikri kapeto jadi pinunjul kahiji maca sajak Ajip Rosidi.

Pasanggiri maca sajak “Jante Arkidam” yasana Ajip Rosidi téh digelar dina raraga ngareuah-reuah Poe Basa Indung Sadunya 21 Februari 2023 alpukahna Singrancagé.

Dina éta pasanggiri nu maca sajakna dina wangun vidio téh, digelar minangka tanda hormat ka Ajip Rosidi suargi.

Baca Juga: Sastrawan Ajip Rosidi (1938 – 2020): Antara Masyitoh, Jante Arkidam, jeung Bagus Rangin

Tah, nu milu éta pasanggiri aya 274 urang, kalawan nu ngirim link-na mah 246 urang.

“Alhamdulillah, kapeto jadi pinunjul kahiji maca sajak ‘Jante Arkidam’ karya Pa Ajip Rosidi. Ieu panglélér téh jadi pamecut pikeun kuring geusan terus makarya nu sahadé-hadéna,” ceuk Maulana Fikri, waktu dikontak poe Jumaah, 3 Maret 2023.

Dina tatahar nyanghareupan éta pasanggiri téa, salasahijina nyaéta neuleuman runtuyan kalimahna atawa kecap basa Sunda malar merenah dina dipidangkeunana tur ngadumanis jeung ekspresina.

Halaman:

Editor: Rosyid E.Abby


Tags

Artikel Pilihan

Terkait

Terkini

Terpopuler

Kabar Daerah

x