SDN Sariwangi Ngadumaniskeun Udagan, Tarekah, Indikator, jeung Palasapah Sakola

GALURA - Sakumaha ilaharna sakola sejenna, dina ketakna SDN Sariwangi ge mibanda udagan jeung tarekahna.

Eta udagan katut tarekah SDN Sariwangi teh dibarengan ku ngadumanisna palasapah jeung indikator sakola.

Kalawan suluk SDN Sariwangi "Bersahaja, Berprestasi, Sehat, Agamis, Harmonis dan Jaya", ieu sakola dina tarekahna teh geusan ngawujudkeun sakola nu mibanda ciri mandiri.

Baca Juga: Cek Beja, Sasak Cincin Jatinangor, Sumedang, Horor, Naha Enya?

Tangtuna, bari dilimpud ku tujuan pendidikan dasar nyaeta mondasian ku kacerdasan, pangaweruh, sikep ahlakul karimah, kaparigelan kamandirian, jangeun bekel keur ka sakola tingkat satuluyuna.

SDN Sariwangi ayana di Jalan Pangkalan, Desa Sariwangi, Kacamatan Parongpong, Kabupaten Bandung Barat, peresis peuntaseun Kantor Desa Sariwangi.

Kiwari diwengku ku 22 guru jeung 620 murid.

Baca Juga: Saban Taun Produksi Perikanan di Kabupaten Bandung ngaronjat, Bupati Umajak ka Patani Lauk Terus Rancage

Kepala SDN Sariwangi, Hj Nining Yuningsih, S.Pd, mertelakeun, tujuan pendidikan nasional antarana ngamekarkeun pirang-pirang potensi peserta didik sangkan jadi insan nu iman tur takwa, ngawasa pangaweruh, parigel, motekar, tur mandiri.