Forum Silaturahmi Masarakat Adat Jawa Barat, Uu Ruzhanul: Kabudayaan Kudu Terus Dipiara

- 16 Maret 2023, 21:10 WIB
Wakil Gubernur Jawa Barat, Uu Ruzhanul Ulum, waktu gempungan Forum Silaturahmi Masyarakat Adat Jawa Barat di Soreang, Kabupaten Bandung, Salasa, 14 Maret 2023.*
Wakil Gubernur Jawa Barat, Uu Ruzhanul Ulum, waktu gempungan Forum Silaturahmi Masyarakat Adat Jawa Barat di Soreang, Kabupaten Bandung, Salasa, 14 Maret 2023.* /jabarprov.go.id/
 
 
GALURA – Forum Silaturahmi Masyarakat Adat Jawa Barat bisa dijadikeun sarana pikeun ngawadahan aspirasi  ngawangun desa.
 
Lian ti eta, ayana Forum Silaturahmi Masyarakat Adat Jawa Barat teh minangka tarekah ngarawat adat jeung budaya Jawa Barat.
 
Ketak Forum Silaturahmi Masyarakat Adat Jawa Barat ge sing bisa maheutkeun hubungan komunitas adat nu aya di Jawa Barat.
 
 
Kitu antarana nu ditepikeun ku Wakil Gubernur Jawa Barat, Uu Ruzhanul Ulum, dina gempungan Forum Silaturahmi Masyarakat Adat Jawa Barat di Soreang, Kabupaten Bandung, Salasa, 14 Maret 2023.
 
Ayana eta forum dipiharep jadi salasahiji ihtiar enggoning ngajaga, ngamumule adat jeung budaya Jawa Barat.
 
“Kabudayaan di Jawa Barat kudu terus dirawat. Tah, salasahiji tarekah pikeun ngajaga budaya Jawa Barat teh nyaeta ku cara maheutkeun silaturahmi pamarentah jeung para tokoh masarakat adat, kaasup jeung kepala desa," ceuk Uu.
 
 
Laju manehna mertelakeun, para tokoh adat jeung budaya teh minangka pager moral masarakat, bentengna ahlak masarakat.
 
Ku kituna dipiharep, Forum Silahturahmi Adat Jawa Barat bisa leuwih maheutkeun hubungan sakumna komunitas adat di Jawa Barat.
 
“Sangkan masarakat Jawa Barat mingkin leuwih mibanda ahlak nu hade luyu jeung jatidiri masarakat Jawa Barat nu someah hade ka semah, teu weleh gotong royong, tur relijius,” pokna. ***
 
 
 

Editor: Ajun Mahrudin


Artikel Pilihan

Terkini

Terpopuler

Kabar Daerah

x