Network
GALURA -Bupati Ciamis H. Herdiat Sunarya dibarengan ku para kepala dinas di auban pamarentah Kabupaten Ciamis, dina raraga mieling ka-381 pindahna puseur pamarentah Kabupaten Galuh, jaroh ka makam luluhur Galuh.
Jaroh ka makam luluhur Galuh nu dilaksanakeun ku Bupati Ciamis jeung rengrenganana, salasahiji kagiatan mieling milangkala ka 381 pindahna puseur pamarentahan Kabupaten Galuh teh tanda ngahormat kana jasa-jasa para luluhur anu geus peran ngabentuk sajarah jeung identitas Tatar Galuh.
Anu jaroh makam luluhur Galuh lain ukur Bupati Ciamis jeung rengrenganana, tapi masyarakat. Kituna teh lain ukur taun ayeuna, tapi oge taun-taun samemehna. Kagiatan maneuh nu dilaksanakeun dina mieling pindahna puseur pamarentah Kabupaten Galuh.
Bupati Ciamis miharep sakumna masarakat Tatar Galuh Ciamis wanoh jeung ngajenan warisan sajarah anu aya di wilayahna. Bupati Ciamis oge miharep bisa leuwih mgareketleun duduluran sarta ngahudangkeun sumanget jeung ngamumule budaya luluhur.
“Ku ayana sumanget jeung ngahormat ka para leluhur, dipiharep Ciamis terus maju jeung mekar jadi daerah anu ma’mur tur harmonis,” pokna.
Jaroh ka makam luluhur Galuh dimimitian ti makam Adipati Arya Panji jayanegara (1635-1678) ieu bupati munggaran anu nempatan puseur dayeuh Kabupaten Galuh di Ciwahangan Girang Desa Imbanagara Kecamatan Ciamis sabada puseur dayeuhna pindah ti Cineam.
Ti dinya jaroh ka makam Tumenggung Wiradikusumah (1814-1819) bupati ka-14 Galuh di Cigadung Desa Imbanagara Ciamis. Ti Cigadung terus jarohh ka makam Adipati Adikusumah (1819-1839) bupati ka-15. di Gunung Galuh Desa Imbanagara Ciamis.
