Network
GALURA - Mieling Hari Jadi ka 533 Kabupaten Majalengka taun 2023 bakal karasa leuwih gumebyar dibandingkeun jeung taun-taun katukang. Hal eta ditepikeun ku Bupati Majalengka, Karna Sobahi, nalika ngaluuhan Rapat Persiapan Hari Jadi dan Porsenitas, tempatna di Gedong Yudha Karya Setda (Rebo ( 25/5/2023).
Bupati Majalengka nyebutkeun mieling Hari Jadi ka 533 Kabupaten Majalengka, 7 Juni 2023, euyeub ku kagiatan nu ngaubkeun warga. Komo deui dibarengkeun jeung Pekan Olah Raga Perbatasan (Porsenitas) nu bakal diiluan ku sapuluh kabupaten kota nu di tapel wates Provinsi Jabar jeung Provinsi Jateng.
Dina mieling Hari Jadi ka 533 Kabupaten Majalengka kagiatanana disebar ka unggal wilayah. Kagiatanana diprioritaskeun supaya karasa ku masarakat. Ku lantaran ketua panitiana kepala Dinkes pelayanan kesehatan leuwih dimoninan. Ari Porsenitas mah beda deui kagiatanana
Baca Juga: Kapolres Majalengka Halal Bihalal di Polda Jabar, Sangkan Kualitas Hirup Leuwih Hade
Ketua Panitia Hari Jadi ka 533 Majalengka, H Agus Susanto, S.Sos, M.Si., netelakeun ngarojong tagline "Rempeg Gawe Majalengka Raharja" kagiatanana di antarana sunatan masal gratis pikeun 200 anak. Tanggal 3 Juni di RSUD Talaga,17 Juni di Puskesmas Loji jeung 24 Juni di Puskesmas Majalengka.
Masarakat nu rek nyutanan budak bisa daptar ka Puskesmas. "Salian eta di satiap Puskesmas dilaksanakeun pamariosan USG garatis kangge ibu hamil kalayan kuota 1000 ibu hamil ti kaping 15 Mei dugi 6 Juni 2023,” ceuk H. Agus.
Seremonial maneuhna: 6 Juni ziarah ke Makom Pangeran Muhamad jeung ka Makom Mbah Badori. Tanggal 7 Juni Rapat Paripurna Istimewa Hari Jadi ka 533 Majalengka ka-533 tempatna di Pendopo Gedong Nagara Kabupaten Majalengka.
"Kirab Budaya di Dinten Kemis kaping 8 Juni, di hareupeun GGM Majalengka," ceuk H. Agus. Kagiatan nsejenna masrahkeun program PBI Kissing pikeun 500 urang. Lomba manuk perkutut di tanggal 11 Juni, tempatna di Sindangkasih.
Baca Juga: Tina APBD, Atlet asal Kabupaten Bandung nu Meunang Medali dina SEA Games 2023 Kamboja Meunang Bonus
