Ngaronjatkeun Ketak Kader Posyandu Kota Cimahi pikeun Nyegah ‘Stunting’ Balita

- 25 Maret 2023, 03:50 WIB
Gempungan ngaronjatkeun pangaweruh patugas/kader dina tatalaksana KIA SDIDTK pikeun nyegah stunting balita, alpukahna Dinas Kesehatan Kota Cimahi, di Kampus Unjani.*
Gempungan ngaronjatkeun pangaweruh patugas/kader dina tatalaksana KIA SDIDTK pikeun nyegah stunting balita, alpukahna Dinas Kesehatan Kota Cimahi, di Kampus Unjani.* /Dok. Dinkes Kota Cimahi/

GALURA - Istilah stunting ka dieunakeun mingkin populer, alatan jadi salasahiji pasualan gizi nu kudu terus diungkulan.

Gurat badagna mah stunting téh kaayaan gagalna kamekaran awak budak balita ku sabab kakurangan gizi. Ukuran awakna tembong teu samistina, teu saluyu jeung ilahar nu saumuranana.

Kakurangan gizi bisa kajadian ti masih kéneh di jero kandungan, tuluy katémbong stunting sanggeusna umur 2 taun. Padahal kaayaan gizi nu hade téh minangka sarat utama ngawujudkeun sumber daya manusa nu sehat tur unggul.

Dina gempungan ngeunaan tatalaksana Buku Kesehatan Anak dan Ibu (KIA) katut Stimulasi Deteksi dan Intervensi Dini Tumbuh Kembang (SDIDTK), Wali Kota Cimahi, Dikdik S. Nugrahawan, ngécéskeun, prevalensi stunting di Indonesia nyaéta 37,2 peresen.

Sedengkeun di Kota Cimahi mah angka stunting balita 2021 nyaéta 10,18 persen, laju turun dina taun 2022 jadi 9,7 persen.

Baca Juga: Seminar Pikeun Ngaronjatkeun Palayanan Kasehatan Darurat Masarakat

"Kajadian stunting balita jadi matak babari gering, kamampuh kognitif ngurangan, fungsi awak jadi teu saimbang, jeung séjénna. Nyinglar stunting bisa ti anggalna ku cara gizi sehat nalika kakandungan, jeung program pendampingan seribu hari pertama kehidupan," pokna.

Tarékah séjénna pikeun nyegah stunting téh nyaéta ku cara méré ASI éksklusif, pola makan nu hadé, cukup sayuran, karbohidrat, jeung protein, ogé kalawan noron datang ka posyandu.

Kitu deui, kaayaan sanitasi ge kudu hadé, jamban sehat, turta ayana cai beresih.

Halaman:

Editor: Rosyid E.Abby


Tags

Artikel Pilihan

Terkait

Terkini

Terpopuler

Kabar Daerah

x