GALURA - Ketua KPU Kabupaten Bandung Agus Baroya nyebutkeun, kacida pisan aya kamungkinan pihak-pihak di luareun para palaku Pemilu nu hayang ngagagalkeun Pemilu.
"Ku margi Pemillu tèh sanès ukur dina tahapan. Ngan sakapeung urang hilap maca saluareun sabudeureun palaku-palaku utamana," ceuk Agus Baroya dina hiji acara di Soreang, Salasa (20/3/2023).
Agus Baroya nyebutkeun, yèn Pemilu tèh aya penyelenggarana, Bawaslu, partai politik, pamarèntah, jeung nu lianna.
"Padahal tiasa janten nu di saluareun komponen èta nu ogè kacida ageung pangaruhna, teu kaèmut ku urang,” ceuk Agus Baroya.
Baca Juga: Bupati Bandung Miharep, Dina Pemilu 2024 Taya Black Campaign
Nu kitu tèh numutkeun Agus, bisa dibacana ku pihak intelejen. "Upamana kakait sareng potensi teroris, politisasi agama. Ieu ulah dikira teu aya pangaruhna,” cenah.
Bisa jadi penyelenggara partai, media, katut pemilihna, ceuk Agus, geus sauyunan. "Tapi urang teu eungeuh potensi di luar nu disebut tadi nu mémang gaduh niat teu hadè. Kacida mungkin ayana,” pokna.
Ku ngadeteksi ti anggalna, Agus yakin potensi-potensi ieu bisa disingkahan.*** Sopandi