Hasil Sidang Isbat: Poé Ieu 23 Maret 2023 Mimiti Saum Ramadan  

- 23 Maret 2023, 02:55 WIB
Ilustrasi rukyatul hilal.
Ilustrasi rukyatul hilal. /Antara/PR/Antara/Akbar Nugroho Gumay

 

GALURA - Kementerian Agama (Kemenag) ngabéwarakeun hasil Sidang Isbat Ramadhan 2023 sabada ngimeutan hilal atawa rukyatul hilal di 124 titik lokasi di sakuliah Indonesia.

Kacindekanana, awal puasa ditetepkeun poé Kemis ieu, 23 Maret 2023.

"Yén 1 Ramadhan 1444 H téh ninggang di dinten Kemis 23 Maret 2023," ceuk Menteri Agama Yaqut Cholil Qoumas dina siaran pers virtual di YouTube Kemenag, Rebo, 22 Maret 2023.

Tim rukyatul hilal geus hasil ningali hilal di sawatara  lokasi pemantauan. Ku kituna, soré kamari (magrib) geus asup bulan anyar hijriyah, nyaéta Ramadhan 1444 H.

Saméméhna, Sidang Isbat digelar di Auditorium HM Rasjidi, Kantor Kementerian Agama, Jakarta. Éta agenda dimimitian ku seminar pamaparan posisi hilal anu ditepikeun ku Tim Hisab Rukyat Kementerian Agama.

Baca Juga: Sidang Isbat Netepkeun Awal Ramadan 1444 H Digelar 22 Maret 2023

Direktur Jenderal Bimbingan Masyarakat Islam Kementerian Agama, Kamaruddin Amin ngajéntrékeun, Sidang Isbat dilaksanakeun ku Kanwil Kementerian Agama jeung Kemenag Kabupaten/Kota, rukun gawé reujeung Peradilan Agama katut Ormas Islam jeung instansi lianna.

Sidang Isbat dipingpin ku Menag Yaqut Cholil Qoumas, kalawan diluuhan ku para Duta Besar Negara Sahabat, Komisi VIII DPR RI, Mahkamah Agung, Majelis Ulama Indonesia (MUI), Badan Meteorologi, Klimatologi dan Geofisika (BMKG).

Halaman:

Editor: Rosyid E.Abby


Tags

Artikel Pilihan

Terkait

Terkini

Terpopuler

Kabar Daerah

x