Network
GALURA - Camat Margahayu Asep Suryadi, liwat sekretarisna Agus Setia Rohmana nyebutkeun, pihakna geus ngadata "home stay" nu baris dipaké atawa diséwakeun, pikeun ngamangpaatkeun luang ngaronjatkeun ékonomi dina Fornas VII nu baris lumangsung 2 - 9 Juli 2023 di Kabupaten Bandung.
Ceuk Agus, loba palaku UMKM di Margahayu, aya Kampung Boneka di Desa Sayati, Kampung Rangsel di Desa Margahayu Tengah, jeung kuliner di désa lianna.
"Aya kana 50 palaku UMKM di Kecamatan Margahayu, tapi nu leuwih diandelkeun mah Kampung Boneka. Sanes hartos UMKM nu sèjènna teu dipalirè. Kampung Rangsel sareng kuliner saban désa ogè kedah disiapkeun," ceuk Agus.*** Sopandi
