Network
GALURA -Nyangharepan Bulan Suci Ramadhan, biasana harga kabutuhan poko (sembako ) sok undak. Ti mimiti beas, minyak goreng, endog, daging, sayuran jeung nu sejena. Ku hal eta pamarentah Kabupaten Ciamis ngaliwatan pamarentah kacamatan ngagelar Operasi Pasar Murah.
Operasi Pasar Murah udaganana keur nyetabilkeun (stabilisasi) pasokan harga nyanghareupan Bulan Suci Ramadhan. Salian ti eta keur ngarojong Gerakan Nasional Pengendalian Inflasi Pangan (GNPIP) di Kabupaten Ciamis.
Dina Operasi Pasar Murah di Kabupaten Ciamis dijual beas, minyak goreng, endog, tarigu, daging jeung sayuran. Camat Sindangkasih, Dra. Rina Takarina, M.Si, Operasi Pasar Murah teh tarekah keur ngabantu masarakat dina nyumponan pangabutuh sembako babakuna dina nyanghareupan Bulan Suci Ramadhan.
Salasaurang warga Kalapanunggal Kecamatan Sindangkasih, Nunung nyebutkeun ku ayana gerakan Operasi Pasar Murah dirina ngarasa kabantu. “Margi hargana marurah, komo deui ayeuna bade mayunan sasih saom. Mudah-mudahan Operasi Pasar Murah saperti kieu teh sing mindeng,” pokna.*** Jar
