Network
GALURA-Sidang Isbat netepkeun awal Ramadan biasana digelar unggal 29 Syaban. Taun ayeuna meneran poe Rebo, 22 Maret 2023.
Eta Sidang Isbat teh dipokalan ku Direktorat Jenderal Bimbingan Masyarakat Islam (Ditjen Bimas Islam) Kementerian Agama (Kemenag).
Nyutat tina kemenag.go.id, runtuyan Sidang Isbat Awal Ramadan taun ayeuna masih lumangsung kalawan hybrid, gabungan antara daring jeung luring.
Baca Juga: Cek PP Muhammadiyah, 1 Ramadhan 1444 Hijriah 23 Maret 2023, Ieu Sihoreng Alesanna
Lian ti ngalibetkeun Tim Hisab Rukyat Kemenag, Sidang Isbat ge ngogan Komisi VIII DPR RI, pingpinan MUI, duta besar nagara sahabat, wawakil ormas Islam, jeung nu lianna
Ceuk Adib, engkena Sidang Isbat teh dibagi tilu jirangan. Kahiji, didadarkeun posisi hilal awal Ramadan 1444 H dumasar hasil hisab atawa itungan astronomi, ti mimiti tabuh 17.00.
Kadua, palaksanaan Sidang Isbat netepkeun awal Ramadan 1444 H.
Baca Juga: Di Kuningan, Zakat Fitrah Ramadhan 1444 H Rp 30 Rebu
Anapon jirangan katilu, nyaeta telekonferensi pers hasil Sidang Isbat.
