Network
GALURA - Kepala Dinas Pemuda dan Olahraga (Kadispora) Kabupaten Bandung Kawaludin miharep, Kabupaten Bandung suksés minangka pribumi tunggal Festival Olahraga Rekreasi Masyarakat Nasional (Fornas) VII nu baris lumangsung 2 - 11 Juli 2023.
Sajaba suksés minangka pribumi, Kawaludin ogè miharep para atletna punjul prestasina tepi ka ngawawangi ngaran Kabupaten Bandung.
Kawaludin nyebutkeun, Kabupaten Bandung mibanda ampir 75 potensi olahraga rekreasi masarakat. Danget ayeuna karèk karègistrasi 20 kapangurusan.
Baca Juga: Ketua KORMI Emma Dety; Kasiagaan Kabupaten Bandung Jadi Pribumi Formas Kudu Maksimal
"Kanggo ngaronjatkeun prestasi, pamarèntah daèrah gaduh kawajiban ngabina kaolahragaan di daérahna. Boh organisasi, atlet, boh sistem kaolahragaanana," ceuk Kawaludin basa ngahadiran bimbingan teknis (bimtek) di Hotel Sutan Raja Soreang, Salasa (7/3/2023).
Numutkeun Kawaludin, bimtek ieu diayakeun pikeun kasiapsiagaan nyanghareupan Fornas tèa.
Kana 70 urang aub dina bintek ieu. Sajaba 20 pelatih dina cabang olahraga rekreasi masarakat, ogè 31 Korwil KORMI kecamatan sa-Kabupaten Bandung, katut 19 pangurus KORMI Kabupaten Bandung. "Jadi 70 peserta bimtek," ceuk Kawaludin nandeskeun.***
