Bulan K3 Nasional, Abbas Saleh: Taya Kacilakaan Gawé di UP3 Majalaya

GALURA - Tingkat kacilakaan gawé di Unit Pelaksana Pelayanan Pelanggan (UP3) Majalaya nihil. Ngan, nu perlu jadi perhatian saréréa, masih kénéh aya kacilakaan nu tumiba ka masarakat umum nu mémang kawilang hésé katalingakeun ku jumlah personil di UP3 Majalaya. 

Kituna téh ditepikeun Kepala UP3 Majalaya Abbas Saleh satutas apél dina raraga Bulan K3 Nasional 2023 di palataran kantor PLN UP3 Majalaya di Kecamatan Baleendah, Kemis (2/2/2023). 

Abbas Soleh nyebutkeun, loba jaringan PLN  sumebar di mana-mana,jeung kagiatan jalma pagaliwota.

Baca Juga: Runtah Ngahunyud di Pasar Baleendah Antukna Diakut

Kepala Unit Pelaksana Pelayanan Pelanggan (UP3) Majalaya Abbas Saleh.* SOPANDI

"Ku kituna, kumaha sakumna masarakat di luar bisa diedukasi dugi ka arinyana paham ka mana kudu ngalaporkeun mun seug aya kagiatan deukeut jaringan," ceuk Abbas Saleh. 

Patali jeung kagiatan apél dina raraga Bulan K3,  Abbas nétélakeun, Keselamatan dan Kesehatan Kerja (K3) ieu geus maneuh saban taun dilaksanakeun.

"Ieu sanés acara husus, tapi pikeun ngémutan deui kumaha pentingna K3, dina  gagawé, tepi ka bener-bener jadi komitmen," ceuk Abbas Saleh deui.***

Baca Juga: Putri Anjungsari (16)